От ыйын 28 – атырдьах ыйын 7 күннэригэр Владивостокка ыытыллыбыт Норуоттар икки ардыларынааҕы “Азия оҕолорун” VII Cпортивнай оонньуулара ньиргийэн ааһа оҕустулар

Биһи спортсмен оҕолорбут 18 көрүҥҥэ күрэхтэстилэр. Бадминтоҥҥа эрэ кыттыбатылар. 20 хамаандалар түмсэн күрэхтэспиттэриттэн, Сахабыт сирин сүүмэрдэммит хамаандата VII миэстэҕэ тиксибитэ ситиһии быһыытынан сыаналаныан сөп. Тренердэрин көмөлөрүнэн оҕолорбут туох-баар кыахтарынан күрэхтэстилэр. Түһэн биэрбэтилэр.